Traballamos a descomposición de números

 Nesta sesión, os nenos e nenas de 1º traballaron coas regletas as formas de descompoñer o número seis e o sete. Primeiro traballamos manipulando as regletas e ,coma sempre, finalizamos a sesión trasladando o aprendido ao papel. Así organizamos todo o aprendido na sesión.

Vos deixamos unha presentación con imaxes do noso traballo.

                                     

APRENDEMOS COAS REGLETAS

Neste primeiro trimestre tamén aprendemos o valor de cada regleta, ordenamos de menor a maior e comparamos regletas: iguais, diferentes e equivalentes.

Aquí tedes unha mostra do noso traballo!

Ademais realizamos varias fichas onde reproducimos todo o aprendido.

SESIÓNS DE XOGO E OBSERVACIÓN

Durante as primeiras sesións os alumnos e alumnas de 1º, 2º e 4º A coñecemos as regletas Cuisenaire. Tivemos tempo para manipulalas e xogar con elas, observamos a súa cor, tamaño e pensamos para que nos poderían servir.

Podedes ver todo o que fixemos con elas!

PARTICIPAMOS NO PROGRAMA CPINNOVA

O CP Innova é unha iniciativa de innovación educativa desenvolvida desde a Consellería de Cultura, Educación e Universidade que vai proporcionar ao noso centro estratexias de mellora da calidade do ensino.

O CEIP Novo Mesoiro parcipipará neste programa incidindo na adquisición da competencia matemática, a través da incorporación de metodoloxías activas que sitúen ao noso alumnado como protagonista da súa aprendizaxe, favorecendo o desenvolvemento máximo das súas capacidades, e fomentando o traballo interdisciplinar e en equipo.

Comenzamos!