OPERACIÓNS CON NÚMEROS DECIMAIS

    En quinto de primaria traballamos as operacións con números decimais utilizando os bloques multibase e as regretas. Primeiro empregamos os bloques multibase para repasar e afianzar conceptos básicos sobre os números decimais.

    

    Despois realizamos diferentes sumas e restas empregando as regretas. Plantexamos diferentes retos que o alumnado intentou resolver xerando conceptos matemáticos por si mesmos, deste xeito o grao de comprensión dos conceptos, propiedades e relacións entre os números é moito máis profundo.

    Para facer as restas con regretas primeiro collemos tantas regretas como indica o minuendo, neste caso  a regreta laranxa equivale a unha unidade (10 décimas). A continuación preparamos a resta: Como o número do sustraendo ten catro décimas, substituímos unha regreta laranxa por unha rosa e unha verde (1=0,4+0,6). Agora só temos que quitar a cantidade que nos indica o sustraendo e xa podemos ver a diferenza!

     

    

TRABALLAMOS OS NÚMEROS DECIMAIS CON MATEMÁTICAS MANIPULATIVAS

     En 5º de Educación Primaria aproveitamos o material Multibase de Base 10 para facer unha introdución ao sistema numérico decimal antes de traballar os diferentes logaritmos.

    O alumnado tivo a oportunidade de familiarizarse con dito material para identificar cantidades, comprobando que a unidade pódese dividir en varias partes iguais, por exemplo, en 10, en 100 ou en 1000.

    Explicouse canto é unha unidade, unha décima, unha centésima e unha milésima, e como se forman agrupando elementos de 10 en 10. 

 

TRABALLAMOS AS CENTENAS

 Este curso os nenos e nenas de 2º xa estamos traballando as centenas. Utilizamos o material "base 10" para poder visualizar e manipular  as unidades, decenas e centenas. Deste xeito conceptos que son un pouco abstractos se converten en algo que podemos tocar e comprender.

Vos deixamos unha pequena presentación na que podedes ver algunhas das actividades realizadas e a súa explicación.

Tamén seguimos utilizando as regletas sempre que podemos. Mirade que fixemos aproveitando que despediamos o trimestre para festexar o Nadal.

  

CREAMOS DEBUXOS COAS REGRETAS

Os alumnos de 1º rematamos o trimestre creando figuras navideñas coas regretas.

Repasamos o valor de cada regreta e fixemos sumas sinxelas realizando creacións divertidas.

Xogamos cos máis pequenos

Igual que no curso pasado, comezamos as primeiras sesións coñecendo e manipulando as regretas Cuisenaire. Tivemos tempo para xogar con elas, observar a súa cor e tamaño e para ir memorizando o valor de cada unha.

No 1º curso de primaria fixemos composición e descomposición dos números ata o 10, completamos diagramas e fixemos equivalencias para realizar sumas.

Curso 22-23

Este curso 22-23 volvemos a participar no CPinnova  na modalidade de EDUinnova (o centro docente como entorno innovador de aprendizaxe a través da mellora permanente) partindo da competencia matemática e competencia en ciencia, tecnoloxía e enxeñaría, co fin de dar continuidade ao traballo realizado o ano pasado.

Nel levaremos a cabo os seguintes obxectivos:

a) Aplicar metodoloxías innovadoras que faciliten a adquisición das competencias clave por parte do alumnado.

b) Ofrecer ao alumnado metodoloxías didácticas diversificadas e activas para garantir o desenvolvemento máximo do seu potencial e a personalización da aprendizaxe.

c) Mellorar a competencia matemática e competencia en ciencia, tecnoloxía e enxeñaría.

d) Axudar ao alumnado a acadar o nivel de referencia nas capacidades básicas.

e) Elevar os niveis de éxito escolar.

Empezamos!

REMATAMOS O CURSO

Chegou o último trimestre, e ainda que foi moi cortiño, aprendemos moitas cousas novas coas  regletas e o ábaco. 

Regletas: traballamos co concepto de par-impar e o de multiplicación. Tamén aprendemos a ler e interpretar diagramas de barras feitos con regletas. 

Ábaco: descubrimos como representar números nun ábaco, a facer descomposicións, series, colocar o anterior /posterior, etc.

O vindeiro curso seguiremos traballando, xogando e aprendendo !!